PARA MALAIKAT

    PARA MALAIKAT

Malaikat nu wajib dikanyahoeun

Eta jumlahna sapuluh di terangkan

Kahijina Jibril kadua Mikail

Katilu Isrofil ka opat Azroil

        Kaima munkar ka genep Nakir tujuh

        Rokib kadalapan atid enggeus puguh

        Kasalapan Malik ka sapuluh Ridwan

        Di tambah sakaol malaikat Ruman.

Ari padamelan malaikat Jibril

Sok nyandak wahyu ti Alloh Robbul Jalil

Teras wahyu dicandak ka para Nabi

Teras Wahyu di tampi ku para Nabi

        Ari damelna malaikat Mikail

        Ngabagi rizki nurunrun hujan gampil

        Ari damelna malaikat Isroil

        Niup songsong na poe kimat singkil

Ari damelna malaikat Azroil

Tukang nyawa kabeh makhluk adil

Ari damel malaiat Munkar Nakir

Mariksa di jero kubur matak gimbil

        Serta mawa gada beusi leuwih beurat

        Panon ngiceup ngagurileng kawas kilat

        Ari padamelan malaikat Rokib

        Nulis amal hade nu lain nu goib

Ari padamelan malaikat Atid

Nulis amal jalma nu goreng nu melid

Ari padamelan malaikat malik

Jaga lawang naraka melong buncelik

        Ari padamelan malaikat Ridwan

        Jaga lawang surga nu manis nu sopan

        Ari padamelan malaikat Ruman

        Ngabubungah di ubur ka jalma iman